”ჰალო?” - ტელეფონში ქალის ხმა მესმის. ”ჰალო! AUTO BILD-დან გირეკავთ, ”ჰამერის” თაობაზე ვრეკავ.” ”აჰ, ძვირფასო, H2-ის შეძენა გსურთ? ეგ მანქანა ჩვენი შეფისაა.” ”ქალბატონო, მხოლოდ ფოტოსესიისთვის გვჭირდება.” ”არა, ძვირფასო, ასეთ რამეს არ ვაკეთებთ...”
გაოცებისგან პირი დავაღე. ვებგვერდზე უწერიათ, რომ ყიდიან, დარეკავ და - არც ყიდიან და ფოტოსესიაზეც უარს გეუბნებიან. ესეც ”ჰამერის” პირველი პრობლემა: სერიოზული გამყიდველის პოვნაც კი რთულია!
ბოლოს ეს ”ჰამერი” მცირე ტესტისთვის და ფოტოსესიისთვის შლეზვიგ-ჰოლშტაინში მოღვაწე დილერმა, R&S Automobile-მ გადმოგვცა (www.r-s-automobile.de), კონკრეტულად ეს
შესაბამისად, შენი ჯიბიდან უნდა შეაკეთო. ერთი შვება ისაა, რომ ამ ”ჰამერში” დიდი სერიული ტექნიკაა გამოყენებული და ტექნიკურად, Chevrolet Suburban-ისა და Cadillac Escalade-ის იდენტური ნაწილები მიდის. საწვავის ხარჯზე აბა, რა უნდა ვთქვათ? ავტომობილი სამ ტონას იწონის და ამ წონის თრევისას, თვით 6-ლიტრიან V8 ძრავასაც კი ბევრი საწვავი სჭირდება. საწვავის რეალური საშუალო ხარჯი 100 კილომეტრზე დაახლოებით 25 ლიტრია, უგზოობაზე კი 50-ზეც შეიძლება ავიდეს.
ტიპიური ამერიკელი: იაფფასიანი პლასტმასით და ავტომატიკის ისეთი ბერკეტით, როგორიც ”ბოინგებშია”
უგზოობაზე H2 თავს ისე გრძნობს, როგორც თევზი წყალში: უდიდესი საბურავები, ორი დიფერენციალის ბლოკირება, დამადაბლებელი გადაცემა და პლუს წევის დამატებითი ელექტრონული ასისტენტები ”ჰამერს” მიიყვანენ ყველგან, სადაც ავტომობილს უნდა მიესვლებოდეს. ამიტომაცაა, რომ ”ჰამერი” ბოლოს უმეტესად მარტო რჩება.
დასკვნა
Think big! ვისაც ამერიკული ე.წ. Kingsize-ავტომობილები მოსწონს, Hummer H2-ით ნაღდად იბედნიერებს. იმიტომ, რომ ფორმატის გარდა, ტექნიკაც დიდი გამძლეა. თუ ორიგინალურ და მოვლილ ეგზემპლარს იპოვით, შეგიძლიათ ჩათვალოთ, რომ მოგვიანებით კლასიკური ავტომობილი გეყოლებათ.
ლარს ბუზემანი
სრული ამძრაობის ტექნიკა
დიფერენციალის ბლოკირებებს, დამადაბლებელ და გამანაწილებელ გადაცემებს პრობლემები იშვიათად ექმნება. სამაგიეროდ ხშირია ზეთის დაკარგვა და პრობლემები სახსრებში.კომფორტის ელექტროობა
აუცილებლად გადაამოწმეთ კომფორტის ფუნქციები. მაგალითად, ჩვენ დამბერის მოტორის პრობლემა (250 ევრო) აღმოვაჩინეთ. შეამოწმეთ გათბობის სისტემის ქულერიც, რომელიც 1000 ევრო ჯდება.
ხიდის სახსრები
”ჰამერს” სატვირთო ავტომობილის ზომის სახსრები აქვს და რაკი H2 ძალიან ხშირად დაჰყავთ ხოლმე ცუდ გზებზე, სახსრებში სისუსტეებიც ხშირია.
ავტომატიკა
კარგად უნდა შეამოწმოთ ავტომატური გადაცემათა კოლოფიც, სადაც პრობლემები არცთუ იშვიათია.
ჟანგი
კოროზიისგან საკმაოდ კარგადაა დაცული, მაგრამ ათი წლის შემდეგ ჟანგი აქა-იქ მაინც გაბატონდა. ეს ძირითადად სავალი ნაწილის დეტალებს ეხება, მერე კი ძარას და ჩარჩოს. თუმცა სერიოზული კოროზიისგან მაინც დაცულია.
ტექნიკური მონაცემები
ძრავა: ბენზინის V8; სარქველები/გამ. ლილვი: ცილინდრზე 2/1; მოცულობა: 5967 სმ3; სიმძლავრე: 236 კვტ (321 ცხ. ძ) 5200 ბრ/წთ; ბრუნის მომენტი: 490 ნმ/4000; მაქს. სიჩქარე: 160 კმ/სთ (შეზღუდული); აჩქარება 0-100 კმ/სთ: 11,0 წამში; ავზი/რეკ. საწვავი: 120 ლ./Super; გად. კოლოფი/ამძრაობა: 4-საფ. ავტომატიკა/სრული; სიგრძე/სიგანე/სიმაღლე: 4820/2062/2012 მმ; საბარგულის მოცულობა: 386-2452 ლიტრი; წონა: 3010 კგ.
ასევე დაგაინტერესებთ:
რა უჭირს და რა ულხინს პირველი თაობის Mercedes ML-ს?
მეორადები: რამდენად გამძლეა Volvo XC90?
ნაღდი ამერიკელი თავისი პლუსებით და მინუსებით
მანქანა, რომლის შეძენას არ ინანებთ: Honda CR-V