„ახალგაზრდების სამეწარმეო შესაძლებლობების მხარდაჭერა საქართველოში“ საქართველოს ახალგაზრდა ეკონომისტთა ასოციაციის შვილობილი კომპანიის „ბიზნეს საკონსულტაციო ქსელი საქართველო“-ს პროექტია, რომელიც ესტონეთის საგარეო საქმეთა სამინისტროსა და ამერიკის შეერთებული შტატების სახელმწიფო დეპარტამენტის მიერ არის დაფინანსებული. გასულ წელს, აღნიშნული პროექტის ფარგლებში 14-მა ბიზნეს პროექტმა მოიპოვა დაფინანსება. მათ შორის იყო პროექტი „საბანკეტო დარბაზი“.

ბიზნეს საკონსულტაციო ქსელი საქართველოს შესახებ პირველად წალენჯიხის მუნიციპალიტეტის ქ. ჯვარში საინფორმაციო შეხვედრისას გავიგე, რომელზეც სრულიად შემთხვევით მოვხვდი. შეხვედრაზე მითხრეს, რომ ჩემი ასაკის ახალგაზრდებისთვის იყო საგრანტო კონკურსი. თავიდან, სიმართლე გითხრათ ცოტა პესიმისტურად ვუყურებდი ამ ყველაფერს და არ მქონდა დაფინანსების მიღების იმედი, თუმცა მონაწილეობა მაინც მივიღე, ვიფიქრე „ცდა ბედის მონახევრეაო“. საეა-თან თანამშრომლობა დამეხმარა მოტივაციის ამაღლებაში , ჩამისახა იმედი ჩემი ბიზნესის უფრო ეფექტურად წარმოებისათვის. საეას დახმარებით შევძელი ჩემი ჩაფიქრებული ბიზნესით გათვალისწინებული საბანკეტო დარბაზის მოწყობა სარეალიზაციოდ .

დღეისათვის ჩემი ბიზნესი სრული დატვირთვით ფუნქციონირებს. ყოველთვიურად ვღებულობ შეკვეთებს  (თითო ჯერზე დაახლოებით 400-დან 500-მდე კაცზე). ამჟამად ჩემს ბიზნესში დასაქმებულია 12 ადამიანი (მათშორის 9 ქალი). მომავალ ბენეფიციარებს ვურჩევდი რომ მაქსიმალური ყურადღებით და მონდომებით მოეკიდონ საქმეს, რადგან ეს არის რეალური ხელშეწყობის პერსპექტივა ბიზნეს იდეის განსახორციელებლად. მთავარია გაათვითცნობიერონ საკუთარი იდეა და იყვნენ დარწმუნებულნი მის წარმატებაში. საეა ეს არის რეალური ხელშეწყობა  ბიზნესის საწარმოებლად.

დამფუძნებელი -  ირაკლი ქარდავა